Azərbaycanın qiymətləndirmə bazarında müvafiq xidmətlərin yerinə yetirilməsi zamanı müasir dünya tərəfindən qəbul olunan “müstəqil qiymətləndirici” anlayışı barədə sahibkarlar qrupunun təsəvvürünün son dərəcə zəif olması müşahidə edilir. Ölkəmizdə dinamik inkişaf edən fəaliyyət sahələrindən biri də bazar iqtisadiyyatında özünün aktuallığı və yüksək əhəmiyyəti ilə fərqlənən qiymətləndirmə fəaliyyətidir.
“AB Consulting” MMC 2008-cu ildə dövlət qeydiyyatından keçərək, cari dövrə kimi fəaliyyət göstərməkdədir. Şirkət hüquqi və fiziki şəxslərə Azərbaycan Respublikasının «Qiymətləndirmə fəaliyyəti haqqında» Qanununa, Beynəlxalq Qiymətləndirmə Standartlarına (BQS), əmlakın qiymətləndirilməsi üzrə digər beynəlxalq qiymətləndirmə birliklərinin peşəkar qiymətləndirmə qaydalarına uyğun olaraq müxtəlif əmlak növlərinin qiymətləndirilməsi xidmətini həyata keçirir. “AB Consulting” MMC-də fəaliyyət göstərən əməkdaşlar Azərbaycan Qiymətləndiricilər Cəmiyyətinin üzvləridir. Göstərdiyimiz nəticələr sayəsində bir sıra kommersiya banklarının, xarici və yerli şirkətlərin rəğbətini qazanmışıq.